Անհնար է համաձայնության հասնել Իրանի վարչակազմի հետ, հայտարարել է Իսրայելի վարչապետ Բենյամին Նեթանյահուն Իրանի մասին

«Ես ասացի Թրամփին. մեկ հնարավորություն, իհարկե, այն է, որ դուք համաձայնության հասնեք Իրանի հետ՝ լավ համաձայնության: Մենք դրան դեմ առարկություն չունենք։ Ես պարզապես կասկածում եմ, որ այս խմբի, այս վայրենիների հետ կարելի է ինչ-որ բանի հասնել: Ես ձեզ ասում եմ. անհնար է համաձայնության հասնել նրանց հետ։  Եվ ես ասացի Թրամփին, որ կա երրորդ տարբերակ՝ խստացնել պաշարումը։ Երեկ նա վերահաստատեց այս որոշումը շատ, շատ, շատ վճռական ձևով։ Այն, ինչ երեկ արեց նախագահ Թրամփը, խստացրեց Իրանի պաշարումը: Ոչ թե Իրանի վրա ճնշումը մեծացնելով, այլ այս ռեժիմին, այս սարսափելի բռնապետությանը աջակցողների շուրջ օղակը սեղմելով»,- նշել է Նեթանյահուն։

Հրեական պետության վարչապետի խոսքով՝ մարտահրավերները դեռ առջևում են։

«Իրանի կողմից եկող մարտահրավերը դեռ չի ավարտվել։ Մենք նաև պետք է լուծենք Գազայի, Լիբանանի և այլուր առկա մարտահրավերները։ Եվ մենք վճռականորեն տրամադրված ենք դա անել», - ընդգծել է Բենյամին Նեթանյահուն։