Բրազիլիայի նախագահի թեկնածու Ֆլավիու Բոլսոնարուն հայտարարել է, որ նախագահական ընտրություններում հաղթելու դեպքում կարող է փոփոխություններ կատարել երկրի Սահմանադրության մեջ։

«Սենատում և Պատգամավորների պալատում մեծամասնություն ունենալու և խոսնակ ընտրելու դեպքում մենք կկարողանանք փոփոխել Սահմանադրությունը և վերականգնել ժողովրդավարությունը երկրում»,- ասել է  երկրի նախկին նախագահ Ժաիր Բոլսոնարուի որդին Գոյաս նահանգում կայացած միջոցառման ժամանակ։

Քաղաքական գործիչը կոնկրետ չի նշել, թե ինչ փոփոխություններ կարող է կատարել փաստաթղթում։

Բրազիլիայի նախագահական ընտրությունների առաջին փուլը տեղի է ունեցել հոկտեմբերի 4-ին։ Ըստ Ընտրական բարձրագույն դատարանի տվյալների՝ ոչ մի թեկնածու չի հաղթահարել ձայների 50%-ի շեմը։ Սենատոր Ֆլավիու Բոլսոնարուն ստացել է ձայների 47,03%-ը, իսկ գործող նախագահ Լուիս Ինասիո Լուլա դա Սիլվան՝ 45,16%-ը։ Ընտրողների մասնակցությունը կազմել է 78,92%, ընդ որում ավելի քան 33 միլիոն ընտրող չի մասնակցել քվեարկությանը։ Քանի որ առաջին փուլում հաղթող չի որոշվել, երկրորդ փուլը նշանակված է 2026 թվականի հոկտեմբերի 25-ին։