Ռուսական «Վալդայ» ակումբի ամենամյա հանդիպումը, որն ավանդաբար անցկացվում է Սոչիում աշնանը, այս տարի տեղափոխվել է Մոսկվայի մարզ. այս մասին հայտնել է ակումբի կայքը։

Ինչպես հաղորդում է «Financial Times»-ը՝ վկայակոչելով իրավիճակին ծանոթ չորս աղբյուրի, այս որոշումը պայմանավորված է անվտանգության նկատառումներով՝ ուկրաինական անօդաչու թռչող սարքերի (ԱԹՍ) հարձակումների ակտիվացման ֆոնին։

Թերթի աղբյուրներից երկուսե նշել են, որ անցկացման վայրը փոխելու պահանջը ներկայացրել է ՌԴ նախագահի անվտանգության ծառայությունը։

️Մոտ 120 հրավիրյալներ վայրի փոփոխության մասին տեղեկացել են դեռևս օգոստոսին, թեև սկզբնապես հրավերներ էին ստացել Սոչիի համար։

️Պուտինի խոսնակ Դմիտրի Պեսկովը և «Վալդայ» ակումբը չեն արձագանքել տեղափոխման պատճառների վերաբերյալ FT-ի՝ մեկնաբանություն ստանալու հարցումներին։