Ռուսաստանը Մեծամորի ատոմակայանի տարածաշրջանի անվտանգության վերաբերյալ  մեղադրանքները համարում է Երևանի հետ հարաբերություններում անհամաձայնություն սերմանելու փորձ, հայտարարել է  Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։

«Ավելին, դրանք, կարծես, նպաստում են արևմտյան նախագծերի և տեխնոլոգիաների առաջխաղացմանը, որոնք իսկապես կործանարար են տարածաշրջանի համար և զգալիորեն զիջում են ռուսականներին, այդ թվում՝ անվտանգության առումով», - հայտարարության մեջ նշել է Ռուսաստանի ԱԳ նախարարության խոսնակը։

Դիվանագետն ընդգծել է, որ Ատոմային էներգիայի միջազգային գործակալությունը նույնպես հաստատում է կայանի հուսալիությունը։