Աֆղանստանում իշխող «Թալիբան» շարժումն ԱՄՆ-ին առաջարկել է մուտք գործել երկրի հանքային պաշարներ, գրել է «Financial Times»-ը։

Թալիբներն այս կերպ փորձում են վերացնել պատժամիջոցները և ապասառեցնել ակտիվները։

Հրապարակման համաձայն՝ երկրաբանական ուսումնասիրությունները ցույց են տալիս, որ Աֆղանստանն ունի առնվազն 1 տրիլիոն դոլարի արժողությամբ հանքային պաշարներ։

Դրանց թվում են պղնձի, երկաթի հանքաքարի, նիոբիումի, կոբալտի, ոսկու և լիթիումի խոշոր հանքավայրեր, որոնք, ըստ թերթի, տասնամյակներ տևած հակամարտության պատճառով մեծ մասամբ չեն մշակվել։