Ռուսաստանի Դաշնության արտաքին գործերի նախարար Սերգեյ Լավրովը պատասխանել է ՌԴ նախագահ Վլադիմիր Պուտինի հետ իր ընկերության մասին հարցին։

«Ինձ և Պուտինին կարելի է ընկերներ համարել, քանի որ կիսում ենք նույն նպատակները և փոխադարձ աջակցություն ենք ցուցաբերում»,- ասել է Լավրովը

Նա այս մասին խոսել է «Սամա Մենշովա» նախագծին տված հարցազրույցում։

Արտգործնախարարը նշել է, որ ինքը և Ռուսաստանի առաջնորդը «աշխատում են միասին», և ժողովուրդը վստահում է նրանց։ Լավրովը ընդգծել է, որ սա մեծ պատասխանատվություն է կրում։ «Հետևաբար, եթե ընկերություն ասելով նկատի ունեք համատեղ աշխատանքը, որում բոլորը վստահում են և փորձում են աջակցել միմյանց, ապա այո», - հայտարարել է նախարարը։