Իսրայելի խորհրդարանի (Կնեսեթ) անդամները առաջին ընթերցմամբ միաձայն քվեարկել են վաղաժամկետ ինքնալուծարման մասին օրինագծի օգտին, գրել են ԶԼՄ-ները։

Օրինագծի օգտին քվեարկել է Քնեսեթի 106 անդամ՝ առանց դեմ ձայների: Օրինագիծն ավելի վաղ հաստատվել էր Քնեսեթի համապատասխան հանձնաժողովի կողմից:

Մայիսի վերջին Կնեսեթը նախնական ընթերցմամբ հաստատել է ինքնալուծարման մասին օրինագիծը: Օրենք դառնալու համար այն պետք է հաստատվի երեք լիագումար ընթերցմամբ: Իսրայելի օրենսդրության համաձայն՝ հաջորդ խորհրդարանական ընտրությունները պետք է անցկացվեն ոչ ուշ, քան 2026 թվականի հոկտեմբերի 27-ը:

Իսրայելի վարչապետ Բենիամին Նեթանյահուի նախկին կոալիցիոն դաշնակիցները՝ «Միացյալ Թորա» հուդայականություն կուսակցությունից, նախկինում հայտարարել էին, որ կփորձեն լուծարել խորհրդարանը: Ի պատասխան՝ ձգտելով վերահսկել ընտրությունների ժամանակացույցի նախաձեռնությունը, Նեթանյահուի «Լիկուդ» կուսակցության կոալիցիայի առաջնորդ Օֆիր Կացը ներկայացրել էր պալատը լուծարելու մասին օրինագիծ:

Այս օրինագիծը մայիսի 20-ին նախնական ընթերցման ժամանակ աջակցվել էր թե՛ կոալիցիայի, թե՛ ընդդիմության կողմից: Արտահերթ ընտրությունների ամսաթիվը պետք է համաձայնեցվի խորհրդարանական օրենսդրության հանձնաժողովում, նախքան օրինագիծը վերջնական ընթերցման հասնի: