Ուկրաինական անօդաչու թռչող սարքերը հարձակվել են Ռուսաստանի Դաշնության Կալուգայի մարզի նավթավերամշակման գործարանի վրա։

Կալուգայի մարզպետ Վլադիսլավ Շապշայի խոսքով՝ օբյեկտը տեղակայված է Ձերժինսկի շրջանում։ Ոչ ոք չի տուժել։

Այս շրջանում տեղակայված են «Պերվի զավոդ» նավթավերամշակման գործարանը, նավթի պահեստը, թղթի և թաղանթի գործարաններ։ ԱԹՍ-ները հարձակվել են «Պերվի զավոդ»-ի վրա, որի նախագծային կարողությունը տարեկան 1,2 միլիոն տոննա է։

Բելգորոդի մարզը գիշերը ենթարկվել է զանգվածային հրթիռային հարձակման, որի հետևանքով զոհվել է մեկ և վիրավորվել երեք մարդ։ Բելգորոդի ղեկավար Ալեքսանդր Շուվաեւը հայտնել է, որ վնասվել են էներգետիկ ենթակառուցվածքներ, որոշ շրջաններում և մի քանի մունիցիպալիտետներում գրանցվել են էլեկտրաէներգիայի և ջրամատակարարման անջատումներ։ Հարվածից հետո հրդեհ է բռնկվել Գծային արտադրական կենտրոնում, ինչը Բելգորոդում գազի անջատումների պատճառ է դարձել։

Մոսկվայի քաղաքապետ Սերգեյ Սոբյանինը հայտնել է, որ գիշերը ավելի քան 430 անօդաչու թռչող սարք է հարձակվել Մոսկվայի և Մոսկվայի մարզի վրա։ «Մեծ մասը չեզոքացվել է ՀՕՊ ուժերի կողմից հեռավորության վրա», - նշել է նա։ Գիշերը և առավոտյան Մոսկվային մոտենալիս ոչնչացվել է 43 անօդաչու թռչող սարք։

Ավելի վաղ Ռուսաստանի պաշտպանության նախարարությունը հայտնել էր, որ գիշերը ՌԴ-ի մարզերի վրայով խոցվել է 452 ուկրաինական անշարժ թևերով անօդաչու թռչող սարք։