Բրազիլիայի նախագահ Լուիս Ինասիու Լուլա դա Սիլվան հայտարարել է, որ ԱՄՆ նախագահ Դոնալդ Թրամփի՝ Հորմուզի նեղուցով տարանցման համար նավերից վճար գանձելու գաղափարը ծովահենություն է։

«Միացյալ Նահանգները, որը վաղուց է պայքարել ծովահենության դեմ, այժմ չպետք է ինքը վերածվի ծովահենների», - ասել է Լուլան։

Լուլա դա Սիլվան Վաշինգտոնի ծրագրերը որակել է որպես «ոչ ժողովրդավարական և անքաղաքակիրթ»։ Նա նշել է, որ ԱՄՆ կառավարությունը փորձում է «շահույթ ստանալ ուրիշների դժբախտությունից»։

Բրազիլիայի առաջնորդն ընդգծել է, որ Հորմուզի նեղուցը բաց է եղել նավագնացության համար մինչև ռազմական գործողությունների սկսվելը։ Նա հավելել է, որ «ռազմական գործողությունների արժեքը» ազդում է սննդամթերքի գների վրա։