COP17-ի նախագահ, Շրջակա միջավայրի նախարար Համբարձում Մաթևոսյանը երկկողմ հանդիպում է ունեցել Հնդկաստանի շրջակա միջավայրի, անտառների և կլիմայի փոփոխության նախարար Բհուպենդեր Յադավի հետ։ Այս մասին հայտնել են ՀՀ ՇՄ նախարարությունից:

Հանդիպման ընթացքում քննարկվել են շրջակա միջավայրի պահպանության ոլորտում հայ-հնդկական համագործակցության ընդլայնման հնարավորությունները։

Համբարձում Մաթևոսյանը կարևորել է Հայաստանի և Հնդկաստանի միջև բարեկամական հարաբերությունները՝ որպես ոլորտային համագործակցության զարգացման, փորձի փոխանակման և համատեղ նախաձեռնությունների իրականացման հիմք։