Русский
Նիկոլ Փաշինյանը Բաքվում պահվող հայ գերիների հարցի լուծումը կապում է խաղաղության հաստատման հետ։ Այս մասին նա ասաց Գերմանիայում Արտաքին հարաբերությունների գերմանական ընկերակցությունում կազմակերպված պանելային քննարկման ժամանակ։
Դա շատ զգայուն հարց է։ Այս խնդիրն ավելի հեշտորեն կհասցեագրվի համագործակցության և խաղաղության, քան թե հակամարտության մթնոլորտում։
Ոչ միայն նավթամթերք, այլ նաև այլ ապրանքներ. Ալեն Սիմոնյանը հայտարարել է Ադրբեջանի հետ համագործակցության Հայաստանի պատրաստակամության մասին
ԱԺ նախագահը ճեպազրույցի ժամանակ կոչ արեց չկենտրոնանալ բացառապես վառելիքի վրա՝ պատասխանելով Ադրբեջանից Վրաստանի տարածքով դրանց ներմուծման մասին հարցին:
Նա համոզված է՝ որքան շատ լինեն էներգակիրների այլընտրանքային աղբյուրները, այնքան լավ Հայաստանի համար։ Երևանը պետք է նաև Բաքվին հնարավորություն տա հայկական տարածքով արտահանել իր ապրանքները Նախիջևան և Թուրքիա։
Հայաստան–Եվրամիություն ռազմավարական գործընկերության օրակարգը չի հակասում խաղաղ գործընթացին․ ՀՀ ԱԳՆ–ն պատասխանել է Ադրբեջանին
«Այն արտացոլում է ՀՀ-ԵՄ-ի միջև երկկողմ ձևավորված և խորացող գործընկերության բովանդակությունը՝ հիմնված ընդհանուր արժեքների ու փոխադարձ շահերի վրա: Այն արտացոլում է ոչ միայն Հայաստանի քաղաքացիների եվրոպական ձգտումները, այլև ինքնիշխանությանը, տարածքային ամբողջականությանը, ժողովրդավարությանը և սոցիալ-տնտեսական դիմակայունությանն աջակցելու ԵՄ-ի հանձնառությունը»,- ասել է ՀՀ ԱԳՆ խոսնակ Անի Բադալյանը։
Զելենսկին պատրաստ է Ուկրաինայում նախագահական ընտրություններ անցկացնել, եթե ԱՄՆ-ն ու Եվրոպան ապահովեն անվտանգությունը։
Ես պատրաստ եմ ընտրություններին։ Ավելին՝ ես խնդրում եմ Միացյալ Նահանգներին, հնարավոր է՝ մեր եվրոպացի գործընկերների հետ միասին, ապահովել ընտրությունների անվտանգությունը։ Այդ դեպքում, 60-90 օրվա ընթացքում Ուկրաինան պատրաստ կլինի»,- ասել է Զելենսկին։ Ավելի վաղ ԱՄՆ նախագահ Դոնալդ Թրամփը հայտարարել էր՝ ժամանակն է Ուկրաինայում նախագահական ընտրություններ անցկացնել։