Русский
Միացյալ Նահանգներն ու նրա եվրոպացի դաշնակիցների միջև հարաբերությունները կորցրել են իրենց նախկին կանխատեսելիությունն ու վստահությունը, հայտարարել է Ռուսաստանի Դաշնության արտաքին գործերի փոխնախարար Սերգեյ Ռյաբկովը։
«Արևմուտքը շատ ագրեսիվ է վարվում։ Նրա ներսում քաղաքական հակասություններ են աճում։ Վաշինգտոնի հարաբերությունները իր եվրոպացի դաշնակիցների հետ կորցրել են իրենց նախկին կանխատեսելիությունն ու վստահությունը։ Եվ՛ ԱՄՆ-ն, և՛ եվրոպացիները բախվում են աճող սոցիալ-տնտեսական խնդիրների», - ասել է Ռյաբկովը՝ ելույթ ունենալով «Ժիրինովսկի ընթերցումներ» միջազգային գիտական և փորձագիտական ֆորումում։
Նրա խոսքով՝ Արևմտյան երկրները, ըստ էության, աշխարհի երկրների մեծամասնությանը միմյանց դեմ են հանում։
Ռյաբկովը նաև ասել է, որ ԱՄՆ-ը կարող է գործողություն սկսել Իրանում։
«Իրանում նոր ռազմական գործողությունը չի կարելի բացառել։ ԱՄՆ-ի ճնշումը տարածաշրջանում օրեցօր աճում է»,- նշել է Ռուսաստանի փոխարտգործնախարարը։
«Մերձավոր Արևելքում իրավիճակը մտահոգիչ է, որտեղ ամերիկացիները կրկին կուտակել են հսկայական քանակությամբ հարվածային համակարգեր, օրեցօր մեծացնում են ճնշումը, սպառնում են ուժ կիրառել և շարունակում են Իրանի ներքաղաքական իրավիճակը անկայունացնելու փորձերը: Այնտեղ նոր ռազմական գործողությունը չի կարելի բացառել», - պարզաբանել է ՌԴ ԱԳ փոխնախարարը: