Ռուսական բանակը գիշերը հարված է հասցրել Ուկրաինայի Դնեպրոպետրովսկի մարզի մետաղագործական գործարաններին և լոգիստիկ կենտրոններին, հայտնել է Ռուսաստանի Դաշնության պաշտպանության նախարարությունը։

Դնեպրոպետրովսկի մարզում հարվածներ են հասցվել նաև Դնեպրոդզերժինսկի և Դնեպրովսկիի մետաղագործական գործարաններին։

Նիկոլայեւում և շրջակա շրջանում հարվածներ են հասցվել ռազմական տեխնիկայի պահեստավորման համար օգտագործվող լոգիստիկ կենտրոնին և էլեկտրական ենթակայանին։ Օդեսայի մարզում հարված է հասցվել ռազմական տեխնիկայի պահեստավորման համար օգտագործվող լոգիստիկ կենտրոնին։

Չեռնոմորսկի նավահանգստում հարված է հասցվել Ուկրաինայի զինված ուժերի համար զենք և ռազմական տեխնիկա տեղափոխող բեռնատար նավին։ Կիեւի մարզում հարված է հասցվել նաև Սվյատոպետրովսկիի լոգիստիկ կենտրոնին, որն օգտագործվում է ռազմական տեխնիկայի պահեստավորման համար։

Գոստոմելի օդանավակայանի Բլիստավիցա ռազմական քաղաքում հարվածներ են հասցվել Ուկրաինայի զինված ուժերի համար նախատեսված երկու վառելիքի պահեստավորման և բաշխման կետերին։ Վնասվել է նաև Բրովարիի ռադիոէլեկտրոնային հետախուզության կենտրոնը։