Ռոբերտ Քեննեդի Կրտսերը կարծում է, որ Կենտրոնական հետախուզական վարչությունը դեր է խաղացել իր հորեղբոր՝ ԱՄՆ նախկին նախագահ Ջոն Քեննեդու սպանության մեջ
Դա է պատճառը, որ նա իր հարսին՝ Ամարիլիս Ֆոքս Քեննեդիին, առաջադրել է այս հետախուզական գործակալության փոխտնօրենի պաշտոնում, հայտնել է Axios-ը։
Նա, ըստ քաղաքական գործչի, կարող է հասկանալ, թե ինչ գիտի ԿՀՎ-ն սպանության մասին, և կարող է պահանջել հրապարակել համապատասխան փաստաթղթերը:
Թրամփն իր հերթին պարտավորված է զգում Քենեդիին ընտրություններում նրա օգնության համար և ձգտում է հաճոյանալ նրան, ուստի կարող է գնալ այդ քայլին։ Թեև կուլիսներում հակասություններ կան այս նշանակման հնարավորության հետ կապված։
ՌՖՔ Կրտսերը մարդկանց ասել է, որ Ֆոքս Քեննեդին՝ իր նախագահական նախընտրական շտաբի մենեջերը, ով ամուսնացած է իր որդու՝ Բոբի Քեննեդի III-ի հետ, կօգնի հասնել ՋՖՔ-ի սպանության բացահայտմանը, Axios-ին ասել են հանրապետական երկու աղբյուրներ:
«ՌՖՔ-ն հավատում է դրան և ցանկանում է հասնել դրան»,- ասել է աղբյուրներից մեկը՝ նկատի ունենալով հայտնի, բայց չապացուցված տեսությունները, որ ԿՀՎ-ն կանգնած է եղել 1963 թվականին նախագահ Քեննեդու սպանության հետևում: